पोखराबाट पाल्पा जाँदै गरेको जीप तनहुँमा दुर्घटना, उद्धार जारी

कठमाडौं : पोखराबाट पाल्पाको रामपुर जाँदै गरेको जिप तनहुँको भिमादमा दुर्घटना भएको छ।

तनुहँको भिमादमा बिहान ९ बजे सुनकोट भित्री सडकमा ग १ ज ६३५६ नम्बरको जीप दुर्घटना भएको जिल्ला प्रहरी कार्यालय तनहुँले जनाएको छ। १२ जना सवार जीपमा चार जनाको अवस्था गम्भीर रहेको प्रहरीको भनाइ छ।

जीप खोचमा खसेको र उद्धार जारी रहेको प्रहरीको भनाइ छ। चालकलाई प्रहरीले नियन्त्रणमा लिएको छ।  दुर्घटनाको विस्तृत विवरण आउन बाँकी छ।