२ लाख ५० हजार ठगेको आरोपमा पक्राउ,दुबई पठाइदिन्छु भन्दै
काठमाडौं : दुबई पठाइदिन्छु भन्दै २ लाख ५० हजार रूपैयाँ ठगी गरेको अभियोगमा प्रहरीले पक्राउ गरेको छ।
तनहुँ बन्दिपुर नगरपालिका-५ घर भई काठमाडौं मैतीदेवी बस्ने ४५ वर्षीय विष्णुबहादुर भण्डारीलाई बुधबार दिउँसो प्रहरीले पक्राउ गरेको छ।
दुबई पठाई प्रतिष्ठित कम्पनीमा मासिक ७० हजार रूपैयाँ तलबमा काम लगाइदिन्छु भन्दै भण्डारीले १ जनालाई वैदेशिक रोजगारीका लागि प्रलोभनमा पारी पीडितबाट पटकपटक गरी उक्त रकम ठगी गरेको खुल्न आएको छ।
काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई काठमाडौं महानगरपालिका-९ बतिसपुतलीबाट पक्राउ गरेको हो।
वैदेशिक रोजगार विभाग उनलाई थप अनुसन्धान तथा कारबाहीको लागि ताहाचल काठमाडौं पठाइएको छ।
