मोटरसाइकल र ट्र्याक्टर ठोक्किँदा महिलाको मृत्यु
दमौली : तनहुँको शुक्लागण्डकी नगरपालिका–१० छाब्दी देउरालीमा ट्र्याक्टर र मोटरसाइकल ठोक्किँदा एक महिलाको मृत्यु भएको छ।
जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणका अनुसार शुक्लागण्डकी–१ थप्रेककी ४५ वर्षीया पीपलकौरी गुरुङको मृत्यु भएको हो ।
बिहीबार साँझ छाब्दी देउराली भित्री सडक खण्डमा साँखेबाट दुलेगौडातर्फ आउँदै गरेको ग७प ६९२४ नम्बरको मोटरसाइकल र विपरीत दिशाबाट जाँदै गरेको ग१त ३९९४ नम्बरको ट्र्याक्टर ठक्कर खाएका थिए। मोटरसाइकलमा पछाडि सवार गुरुङको घटनास्थलमा मृत्यु भएको हो।
ट्र्याक्टर चालक र मोटरसाइकल चालकलाई नियन्त्रणमा लिएको प्रहरीले जनाएको छ।
