भेटिइन् मृत, डाक्टर प्रतिभा धौभडेल
डाक्टर प्रतिभा धौभडेल मृत फेला परेकी छिन्।
धादिङ अस्पतलामा कार्यरत धौभडेल घर विदामा आएकी थिइन्। उनी काठमाडौं महानगरपालिका–१३ छाउनीस्थित घरमा बिहीबार मृत भेटिएकी हुन्।
उनका अनुसार धौभडेल उक्त घरमा आफ्ना श्रीमान कविराज भण्डारीसँग बस्दै आएकी थिइन्।
झुण्डिएको देखेपछि श्रीमान भण्डारीले उनलाई छाउनी अस्पताल पुर्याएको थियो। अस्पतालले उनलाई मृत घोषणा गरेको थियो। भण्डारी पनि डाक्टर हुन्।
धौभडेल लामो समयदेखि डिप्रेशनको औषधि खाइरहेको एसपी अधिकारीले बताए।
शव पोष्टमर्टमको लागि टिचिङ अस्पतालमा राखिएको छ। प्रहरीले घटनाको थप अनुसन्धान गरिरहेको छ।
चितवनको कलेज अफ मेडिकल साइन्सेसबाट एमबीबीएस, चिकित्सा विज्ञान राष्ट्रिय प्रतिष्ठानबाट सर्जरी विषयमा मास्टर्स, रातो बंगलाबाट ए लेभलमा नेपालमै उत्कृष्ट अंक, भारतमा प्रतिष्ठित डा पारसमणि स्वर्ण पदक पाएकी उनको मृत्यु बारे प्रहरी वृत कालिमाटीले अनुसन्धान गरिरहेको छ।
