
युवतीको शव फेला ललितपुरको महालक्ष्मीस्थानमा
ललितपुरको महालक्ष्मीस्थानमा युवतीको शव भेटिएको छ ।
पाँचथरको फाल्गुनन्द नगरपालिका–३ घर भएकी अन्जु लिम्बुको शव भेटिएको जिल्ला प्रहरी परिसर ललितपुरका प्रवक्ता (एसपी) नरेशराज सुवेदीले बताए ।
३४ वर्षीया अन्जु आफ्नै डेरामा मृत अवस्थामा भेटिएकी हुन् । डेरामा सुतिरहेको अवस्थामा मृत भेटिएकी अन्जु एकान्तकुना स्थित रामेछाप भोजनालयमा काम गर्दै आएकी थिइन् ।
डेरामा मदिराको बोतल पनि फेला परेको छ । उनी शुक्रबारदेखि काममा गएकी थिइनन् । केहीदिन अघि नै मृत्यु भएको जस्तो देखिएको एसपी सुवेदीले बताए । उनले भने,‘घटनाबारे अनुसन्धान सुरु गरेका छौँ ।’ अन्जुको शव पोष्टमार्टमका लागी पाटन अस्पतालमा राखिएको छ ।